БЯРЭЗІНСКАЯ ЦБС

З ГІСТОРЫІ БІБЛІЯТЭК
ДА ЦЭНТРАЛІЗАЦЫІ

ЛЕТАПІС ЦБС

СТРУКТУРА

БЯРЭЗІНСКАЯ ЦБ

БЯРЭЗІНСКАЯ ДБ

СЕЛЬСКІЯ ФІЛІЯЛЫ

ДЫНАМІКА ПАКАЗЧЫКАЎ

КАТАЛОГІ

ПАСЛУГІ

АМАТАРСКІЯ АБ'ЯДНАННІ

КЛУБ ТВОРЧЫХ СУСТРЭЧ

У НАС У ГАСЦЯХ

ПАЗНАЁМ БАЦЬКАЎШЧЫНУ

КАЛЕКТЫЎ

КАНТАКТЫ

МЫ Ў ДРУКУ, ДРУК ПРА НАС

НАВІНЫ

КАРТА САЙТА

ПРАФСАЮЗНАЕ ЖЫЦЦЁ

Нарадзілася 15 лютага 1963 года ў горадзе Беразіно Мінскай вобласці. У 1970 годзе пайшла ў першы клас Бярэзінскай СШ № 2, якую скончыла ў 1980 годзе. Пасля заканчэння школы некаторы час працавала выхавальнікам дзіцячага садка № 7 горада Беразіно. У 1981 годзе паступіла ў Мінскі інстытут культуры, які скончыла ў 1986 годзе і па размеркаванні прыйшла працаваць бібліятэкарам Бярэзінскай дзіцячай бібліятэкі. 12 лістапада 1998 года прызначана Дырэктарам Бярэзінскай ЦБС, на пасадзе значыцца па цяперашні час. У якасці дырэктара ЦБС зарэкамендавала сябе высокакваліфікаваным спецыялістам і ўмелым кіраўніком, рэалізуючы дэмакратычны стыль кіравання, прадстаўляючы падначаленым свабоду і самастойнасць, калі яны праяўляюць гатоўнасць узяць на сябе адказнасць, адчуваюць зацікаўленасць у выніках працы, валодаюць неабходнымі ведамі, маюць вопыт іх прымянення.

Кіраванне бібліятэчным персаналам ажыццяўляецца дзейнасцю Савета пры дырэктары, Савета аддзела культуры. Пры дырэктарстве Зіноўевай С.У. работнікі ЦБС перайшлі на кантрактную сістэму, якая замацоўвае адносіны канструктыўнага супрацоўніцтва паміж бакамі. Адміністрацыйна-арганізацыйнае работа ЦБС прадугледжвае комплекс мерапрыемстваў, забяспечваючых рацыянальнае ўпарадкаванне дзейнасці работнікаў, практыкуюцца штогадовае нарміраванне працоўнага часу работнікаў вядучых аддзелаў ЦБ. Атэстацыя работнікаў праходзіць на высокім узроўні з пэўнай ступенню запатрабаванасці да павышэння прафесійнага ўзроўню бібліятэкараў раённага звяна і сельскіх бібліятэк і пастаянна скіравана на выяўленне рэзерваў павышэння ўзроўню аддачы кожнага работніка.

Дырэкцыяй усямерна стымулюецца ўкараненне інавацыйных форм бібліятэчнай практыкі, што дазваляе Бярэзінскай ЦБС удала вылучацца на фоне ўстаноў Міншчыны.

Са снежня 2004 года на базе цэнтральнай бібліятэкі рэалізуецца праект “Школа аптымізму” для людзей з фізічнымі абмежаваннямі, маці дзяцей-інвалідаў, адзінокіх пажылых людзей складанага жыццёвага лёсу (у сакавіку 2009 года асвятлялася СТВ у тэленавінах – “Міншчына”). У 2005 годзе на базе актавай залы бібліятэкі атрымаў прапіску салон-галерэя цыкла “Талент. Творчасць, Энтузіязм людзей Бярэзіншчыны”. Першай была аформлена экспазіцыя прадметаў хатняга побыту нашых продкаў “З крыніц спрадвечных беларускай зямлі” з прыватнай калекцыі краяведа-аматара Жукоўскага Ігара Леанідавіча, з якім наладжана цеснае супрацоўніцтва. З 2006 года на базе ЦБ штогод рэалізуецца двух-трохразавае правядзенне кірмашоў дабрачыннасці для малаёмных “Падзелімся тым, што маем” з раздачай сабраных у насельніцтва рэчаў.

З 2003 года ЦБ плённа працуе па рэалізацыі 8 праграм і аўтарскіх праектаў у садружнасці з дзяржаўнымі і грамадскімі ўстановамі, што падымае імідж установы: “Бярэзінская мадонна”, “Адрас міласэрнасці – бібліятэка”, “Давайце вучыцца дабрыні”, “Дзяўчыне ў эпоху рызыкі”, “Выбірай здароўе”, “Святло знаёмай зоркі”, “Мастацкая літаратура – акно ў свет”. Праект ЦБ “Мастацкая літаратура – акно ў свет” стаў пераможцам абласнога конкурса прафмайстэрства “Прафесія і наватарства – шлях да поспеху” у намінацыі “Лепшы праект”. Удзячнасцю губернатара Міншчыны адзначаны праект “Усёй грамадой – супраць п'янства”. Праект “Дзяўчыне ў эпоху рызыкі” рэкламаваны супрацоўнікам ЦБ на пасяджэнні рэспубліканскага круглага стала “Здароўе жанчыны – здароўе нацыі” і рэкамендаваны для ўкаранення па ўсёй Беларусі. Пры падвядзенні вынікаў абласнога семінара “Роля бібліятэкі ў фарміраванні здаровага ладу жыцця” з удзелам загадчыкаў аддзелаў абслугоўвання на базе Бярэзінскай ЦБС у маі 2008 года адміністрацыя абласной бібліятэкі адзначыла, што такіх аналагаў, як на Бярэзіншчыне, няма не толькі ў сталіцы і вобласці, але і ва ўсёй Беларусі.

Значная ўвага надаецца адміністрацыяй ЦБС прафіліраванню і паглыбленай спецыялізацыі бібліятэк. 84% бібліятэк ахоплены прафіліраванай дзейнасцю. Як бібліятэка сямейнага чытання спецыялізуецца Васілеўшчынская СБ, інфармацыйна-ідэалагічны цэнтр аграгарадка – Паплаўская, школы здароўя – ЦБ, Пагосцкая, Сялібская, Чыжахская; цэнтры традыцыйнай культуры – Гарэніцкая, Любушанская, Новінская, МІкуліцкая СБ; экалагічныя цэнтры – Міхалёўская, Багушэвіцкая СБ, ДБ; літаратурна-краязнаўчыя цэнтры – ЦБ, Ушанская, Мачаская; школа этыкету і пазашкольнага выхавання – Каменаборская; цэнтры дашкольнага выхавання – Лагаўская, Капланецкая СБ.

Адміністрацыя ЦБС спрыяе пашырэнню дзелавога партнёрства бібліятэк. У актыве творчых і дзелавых партнёраў ЦБС – раённы савет жанчын, раённае таварыства інвалідаў, Беларуская асацыяцыя падтрымкі дзяцей-інвалідаў і маладых інвалідаў (БелАДДІ І МІ), упраўленне занятасці, працы і сацыяльнай абароны, Беларускае таварыства інвалідаў па зроку (Бел ТІЗ), раённы аддзел адукацыі, раённы савет ветэранаў, інспекцыя прыродаахоўчых рэсурсаў. У рангу спонсараў – раённая інспекцыя аховы прыродных рэсурсаў, кіраўніцтва ЗАА “Клявіца”, прадпрымальнікі Бярэзіншчыны. Так, у 2007 годзе ЗАА “Клявіца” выдзеліла ЦБС спонсарскую дапамогу ў суме 1 001 466 рублёў, што дазволіла набыць 73 кнігі для аддзела абслугоўвання ЦБ.

У 2006 годзе пакладзены пачатак творчым міжрэгіянальным узаеманаведванням “Бібліятэчны прагрэс – у садружнасці ЦБС”. Першае наведванне бярэзінскіх бібліятэкараў адбылося ў Чэрвеньскую ЦБС, затым у Лагойскую ЦБС Мінскай вобласці, Бялыніцкую ЦБС Магілёўскай вобласці - ў 2007 годзе, Глыбоцкую ЦБС Віцебскай вобласці - у 2008 годзе, Мсціслаўскую ЦБС Магілёўскай вобласці – ў 2010 годзе. З адпаведным візітам супрацоўнікі Бялыніцкай ЦБС завіталі на Бярэзіншчыну ў 2007 годзе, Чэрвеньскай у 2008 годзе.

У рамках раённай сістэмы павышэння кваліфікацыі адміністрацыйна-метадычнай структурай ЦБС забяспечваецца блок вытворча-кваліфікацыйных форм навучання ў спалучэнні новых і традыцыйных форм: семінараў, выязной школы прафмайстэрства на базе лепшых бібліятэк-лідэраў, рэйтынг-аглядаў, бібліятэчных агледзін, аукцыёнаў бібліятэчных ідэй, трыбун “Майстра-класаў”, стажыровак-практыкумаў. Работа ў гэтым накірунку дае добры плён. З мэтай актывізацыі ролі бібліятэк раёна, фарміравання адметнага творчага профілю ўстаноў, выпрацоўкі ў бібліятэкараў навыкаў самарэкламы і рэкламы праводзяцца штогадовыя конкурсы розных накірункаў з заахвочваннем пераможцаў грашовымі прэміямі з дырэктарскага фонду і дыпломамі, з шырокім асвятленнем вынікаў у мясцовым друку, правядзеннем цырыманіялаў “Залаты бібліятэчны п'едэстал”. На высокім арганізацыйным узроўні, з масавым удзелам бібліятэк прайшлі агляды-конкурсы “Мая бібліятэка” (2006г.), “Мерапрыемства – візітная картка бібліятэкі” (2007г.), “Бярэзінскія бібліятэкі – Я. Купалу і Я. Коласу (2007г.), “Аматарскае аб'яднанне: імідж бібліятэкі” (2008г.).

Адметны твар бярэзінскіх бібліятэк вызначаецца на рэспубліканскім і абласным узроўнях. У рангу пераможцаў абласных конкурсаў на лепшую пастаноўку работы па экалагічнай адукацыі і інфармацыі насельніцтва 2 СБ - Любушанская (2000/2001гг.) і Багушэвіцкая (2004/2005гг.). Любушанская датаго ж дыпламант адпаведнага рэспубліканскага конкурса. Па выніках ХУІ рэспубліканскага конкурсу за 2007 год “Бібліятэка – асяродак нацыянальнай культуры” цэнтральная бібліятэка адзначана першай прэміяй у намінацыі “За навацыі ў галіне бібліятэчнай справы”, за 2009 год - трэцяй прэміяй ў намінацыі "Пошукавая і даследчая справа". Па выніках спаборніцтва ўстаноў культуры Міншчыны за 2007 год Любушанская бібліятэка заняла 9 месца, увайшоўшы ў 10-у лепшых. У 2008 годзе 2 сельскія ўстановы культуры - Паплаўская і Любушанская адзначаны падзячнымі лістамі губернатара Міншчыны. У 2010 годзе раённая бібліятэка стала дыпламантам лаўрэата І ступені абласнога фестывалю бібліятэчнай творчасці “Сэрцам да подзвігу дакраніся”, прымеркаванага 65-годдзя Перамогі ў Вялікай Айчыннай вайне.

Значная ўвага з боку дырэктара заўжды ўдзялялася паляпшэнню матэрыяльна-тэхнічнай базы бібліятэчных устаноў, асабліва сельскіх, якія пасля складанага перыяду 90-ых са слабым фінансаваннем апынуліся ў цяжкім стане і патрабавалі ў большасці сваёй капітальных ці бягучых рамонтаў. У 2002 годзе намаганнямі дырэктара ЦБС наладжана плённае супрацоўніцтва з раённым Цэнтрам занятасці насельніцтва па летняму працаўладкаванню школьнікаў з задзейнічаннем іх для рамонту матэрыяльна-тэхнічнай базы і кніг бібліятэчных устаноў горада і раёна. Такім спосабам былі праведзены касметычныя рамонты памяшканняў раённай, дзіцячай бібліятэк, Новінскай, Пагосцкай, Лагаўской сельскіх. Толькі ў 2008 годзе з гэтай мэтай было асвоена каля 10 млн. рублёў. Адноўлены дэкор фасада адметнага ў горадзе двухпавярховага будынка з калонамі, дзе размешчаны бібліятэчныя гарадскія ўстановы – ЦБ і ДБ. Нязменная ўвага надавалася павелічэнню сродкаў на матэрыяльна-тэхнічнае аснашчэнне, мадэрнізацыю і аўтаматызацыю бібліятэчных працэсаў, расшырэнню інфармацыйнай базы бібліятэк . У 2003 годзе набыты 1-ы камп'ютэр для аддзела камплектавання ЦБ. Пры аддзеле абслугоўвання створаны Цэнтр прававой інфармацыі з камп'ютэрам і эталонным банкам даных прававой інфармацыі, якія ўдалося набыць, дзякуючы Упраўленню культуры і абласному Цэнтру прававога інфармавання. Належная ўвага надавалася. Адладжана работа Цэнтра прававой інфармацыі з доступам да эталоннага банка прававой інфармацыі і шырокай наменклатурай інфармацыйных паслуг насельніцтва і Паплаўскай аграгарадской бібліятэкі. За апошнія гады выраслі тэхнічныя магчымасці, узмацнілася камп'ютэрная аснашчанасць бібліятэк. 7 сельскіх філіялаў маюць камп'ютэры, прынтары, выхад у інтэрнэт. 4 камп'ютэры, 3 прынтары, сканер, ксеракс, электронная база даных, выхад у інтэрнэт, веб-сайт мае цэнтральная бібліятэка. Аўтаматызаваны працэсы камплектавання і каталагізацыі, аналітычнага роспісу дакументаў, штоквартальна абнаўляецца праграма “Эталон”.

У ліпені 2003 года галоўнай установай ЦБС – ЦБ уведзены новы від абслугоўвання – платныя паслугі на літаратуру павышанага попыту і выкананне даведак. Разнастаілася структура камерцыйнага фонда гарадской бібліятэкі. Пашыраўся аб'ём платных паслуг як сервіс дадатковых паслуг карыстальнікам (з 3-ох відаў у 2003г. - да 55-ці ў 2010г.). Наменклатура бібліятэчных паслуг і іх размежаванне на платныя і бясплатныя прадугледжвае расшырэнне правоў грамадзян на доступ да крыніц інфармацыі, мацуе ўзаемаадносіны паміж персаналам бібліятэкі і чытачамі, спрыяе асвойванню крыніц паступлення фінансавых сродкаў, разнастайванню механізма ўзаемадзеяння з іншымі арганізацыямі.

Адміністрацыя праяўляе заўсёдны клопат пра стварэнне ўмоў камфортнасці абслугоўвання наведвальнікаў бібліятэк сістэмы. За апошнія гады справілі наваселле 11 бібліятэк у сельскай мясцовасці: Багушэвіцкая. Гарэніцкая, Дзмітравіцкая, Лешніцкая, Пагосцкая, Паплаўская, Ушанская, Міхалёўская, Якшыцкая, Брадзецкая, Высакагорская. Рэалізуецца праект “Метадычны сэрвіс” па мастацкаму афармленні нагляднасці бібліятэк новых тыпаў і статусу аграгарадкоў метадам спалучэння мастацкага стылю і камп'ютэрнай графікі. На базе Мікуліцкай СБ створаны этнакуток “Беларуская хатка”, які атрымаў шырокую рэкламу на старонках раённага, абласнога і рэспубліканскага перыядычнага друку, рэкламныя сюжэты змяшчаў канал СТВ Нацыянальнага тэлебачання 7 сакавіка 2007 года. Пры Новінскай бібліятэцы прадстаўлены міні-музей “Літаратурнае сузор'е Бярэзіншчыны”, пры Ушанскай – вернісаж работ нараджэнца бярэзінскай вёскі, вядомага мастака В. Ваньковіча.

Усямерна стымулюецца адміністрацыяй ЦБС правераны сродак уздзеяння на грамадскія меркаванні рэклама бібліятэчнай дзейнасці сіламі бібліятэкараў – няштатных карэспандэнтаў у мясцовым, абласным і рэспубліканскім, а таксама прафесіянальным друку. У 2007 годзе было здзейснена 83 публікацыі аб дзейнасці бібліятэк раёна, у 2008 – 51, у 2009 - 61. Па аб'ёму друкаваных матэрыялаў у перыядычным друку, асвятляючым бібліятэчную дзейнасць, можна меркаваць аб іміджавым статусе і ўзроўні дзейнасці ЦБС начале з дырэктарам Зіноўевай С.У.