 Купить антивирус касперского на Support.by аренда виртуального cервера на Support.by
|
 |
 |
|
Аматарскія аб'яднанні і клубы па інтарэсах заставаліся запатрабаванай формай арганізацыі работы з актывістамі і заўсёднікамі бярэзінскіх бібліятэк. На пачатак 2012 года пры 18 бібліятэках сістэмы дзейнічала 30 клубаў і аматарскіх аб'яднанняў, з іх 3 клубы для старшакласнікаў, 17 для падлеткаў, 1 для дашкольнікаў, 1 для вучняў малодшага школьнага ўзросту, 5 для дарослых, 2 для пажылых людзей і 1 - сямейнага чытання. |
|||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
З ГІСТОРЫІ БІБЛІЯТЭК
|
409 удзельнікаў Папулярныя сярод дарослых клуб “Траўнічак” Пагосцкай СБ, клуб прыхільнікаў народнай культуры “Калаўрот” Любушанскай, сямейны клуб “Хатнічак” Васілеўшчынскай. Члены клубаў не толькі наведваюць масавыя мерапрыемствы, а ходзяць ў паходы для аздараўлення, ладзяць выставы народных рамёстваў, дэгустуюць вялікодныя кулічы, спяваюць любімыя сямейныя песні, спраўляюць сямейныя святы і юбілеі. Бацькі і дзеці ўдзячныя каменаборскаму бібліятэкару за цыкл карысных парад па азбуцы зносін, этыкету ветлівасці, прывіццю добрых манер наведвальнікам клуба “Светлячкі”. Папулярызуюць здаровы лад жыцця сярод падлеткаў клубы “Малайчынкі” Чыжахскай СБ і “Рабяты-здаравяты” Сялібскай СБ. Лялечна-тэатралізаваны кірунак маюць “Пятрушка” ДБ і “Аленка” Гарэніцкай СБ. У іх рэпертуары – спектаклі на тэмы маралі, прывіцця любові да кнігі, тэатралізаваныя экскурсіі па бібліятэцы. У практыцы работы гурткоў – выхады ў дзіцячыя дашкольныя ўстановы, у пачатковыя класы школ, групу санаторнага тыпу для дзяцей-інвалідаў дзіцячага сада № 3 г.Беразіно. Экалагічнай адукацыі і выхаванню школьнікаў спрыяюць клубы “Беразавічок” Багушэвіцкай СБК, “Папараць-кветка” Мікуліцкай СБ, “Буслянятка” Міхалёўскай СБ, “Прырода і мы” ДБ. У аб'яднанні для літаратурна адораных дзяцей “Жавароначкі” Любушанскай СБ ладзіліся дэбют-трыбуны “Да мяне завітала натхненне” з прэзентацыяй вершаваных і празаічных работ школьнікаў. Аб'ядноўвае цікавасць да гісторыі роднага краю, да яго культурнай спадчыны, удзельніцтва ў краязнаўчым пошуку, збіранне мясцовага фальклору ўдзельнікаў клубаў краязнаўчага накірунку “Радзімічы” Новінскай Сб і фальклорных “Лучына” і “Крынічка” Гарэніцкай СБ. Спрыяе адраджэнню народнай культуры і далучэнню да яе маладых вяскоўцаў клуб майстрых Любушанскай сельскай бібліятэкі аграгарадка “Калаўрот”: ладзяцца выставы творчасці, міні-кірмашы, фальклорныя перапеўкі, прэзентуюцца вясковыя стравы каляднага і велікоднага святочнага стала. Вучацца лепшым традыцыям народнага мастацтва, знаёмяцца з гісторыяй саломапляцення, вышывання, выцінанкі, рыхтуюць падарункі сваім родным, знаёмым людзям, юбілярам-вяскоўцам члены клуба “Умеліца” Новінскай СБ. На працягу года ладзіліся выставы “Матулі кветкі вышываю”, “Кветкавы карагод”, “Навагоднія елкі – і ніводнай іголкі”, майстар-клас “Лялька беларуская”. Дастаўляюць кнігі і перыядычныя выданні, чытаюць услых, віншуюць з днем нараджэння і іншымі святамі, запрашаюць да сябе на сустрэчы, дапамагаюць нямоглым вяскоўцам па гаспадарцы члены клубаў “Залатое сэрца” Брадзецкай бібліятэкі-клуба. З 1988 года штогод пацвярджаюць сваю жыццядзейнасць і запатрабаванасць сярод жыхароў Пагосцкага с/С выступленні творчага аб'яднання бібліятэкараў “Ліра”: “Век жыві – век лячыся”, “У вёсцы жыць – зямлю любіць”, “Яе светласць – Жанчына”, “У гарэлкі – розум мелкі”, “Слаўлю ў песні цябе, родны край”. Клуб для падлеткаў “Рабяты – здаравяты” Сялібскай СБ у сваёй рабоце надаваў значную ўвагу умацаванню не толькі фізічнага, але і маральнага здароўя, практыкаваў мерапрыемствы па прафілактыцы брыдкаслоўя і прывіццю добрых манер ветлівасці. У практыцы работы клуба для падлеткаў “Светлячкі” Каменаборскай СБ – урокі ветлівасці, тэлефоннага, моўнага этыкету і этыкету паводзін у грамадскіх месцах і за абедзеным сталом, урокі карысных парад, урокі зносін, урокі дабрыні і спагады. Клуб Мачаскай СБ “Званочкі” – лепшае аматарскае аб'яднанне для школьнікаў. Удзельнікі клуба практыкуюць правядзенне ў школе прэзентацый рэкламніка карысных спраў “Звіняць «Званочкі» у родным краі”, акцый “Не бывае забытых настаўнікаў”, “Раскажы, зямляк, аб мінулым”, “Імёны на абеліску”, “Старыя – паважаныя”. Клуб творчых сустрэч на базе ЦБ традыцыйна збірае прыхільнікаў прыгожага пісьменства на сустрэчы са сталічнымі пісьменнікамі і мясцовымі аматарамі літаратурнай творчасці. Папулярнасць праекта ЦБ “Школа аптымізму” (рэалізуецца з 2004 г.) вылілася ў кансалідацыю асноўных наведвальнікаў мерапрыемстваў у аматарскае аб'яднанне, самае папулярнае сярод гараджан па наведвальнасці.
|